- Kujdes nga të dhënat që jepni në Facebook

-      Kujdes nga të dhënat që jepni në Facebook

Me faqen e rinovuar, Facebook-u tashmë kërkon të mësojë më shumë gjëra rreth jush. Akoma nuk mund të parashikohen rezultatet afatgjata të mbledhjes së gjithë këtij informacioni nga ana e rrjeteve sociale.

“Huffington Post” bën të ditur se nuk duhet të nënvlerësojmë rreziqet që na kanosen gjatë përdorimit të këtyre rrjeteve.

1)         Datëlindja dhe vendi: Megjithëse mund të jetë bukur të lexosh urimet për ditëlindje në faqen e adresës suaj, mos i jepni mundësinë mashtruesve të përdorin ditëlindjen dhe vendndodhjen tuaj të vërtetë. Mund të përdorni një date tjetër disa ditë pas ose para ditëlindjes së vërtetë.

2)          Mbiemrin e vajzërisë së nënës suaj: Mos rrezikoni sigurinë tuaj duke i dhënë përgjigje kësaj pyetjeje të përdorur në shumicën e siteve.

3)         Adresa e shtëpisë: Ky detaj, të cilin mund ta ndani me të tjerët në Facebook, i lehtëson punën hajdutëve dhe personave mashtrues.

4)         Udhëtimet e gjata që planifikoni të bëni: Shkrimi i datës së pushimeve do të thotë t’i tregosh hajdutëve periudhën kur shtëpia mbetet bosh.

5)          Fotografi të papërshtatshme: Fotografi ilegale dhe raciste që mund të vendosni në profilin tuaj mund të dëmtojnë imazhin dhe të bëhen shkak të pushimit tuaj nga puna.

6)          Rrëfimet: Mos e shihni Facebook-un si një arenë rrëfimesh në të cilën flisni rreth sekreteve tuaja.

7)           Numri i telefonit: Nëse e vendosni në faqen tuaj atëherë kjo do të mundësojë përdorimin e tij edhe nga persona që nuk keni dëshirë ta marrin vesh.

8)           Emri i fëmijës: Edhe kjo mund të shkaktojë vjedhje të identitetit. Prandaj mos e etiketoni fëmijën tuaj në fotografi.

9)           Sjellje të çmendura (të rrezikshme): Ndarja e këtyre sjelljeve  me të tjerët mund të prishë marrëdhëniet tuaja me kompanitë e sigurimit.

10)               Pamje nga shtëpia: Veçanërisht fotografi të cilat pasqyrojnë sende dhe orendi të çmuara mund t’ua lehtësojë punën hajdutëve.

11)               Lënja hapur e profilit: Hapja e profilit tuaj nëpërmjet kërkimit të Google përbën një element të rrezikshëm. Për të penguar arritjen e të huajve deri tek informacionet tuaja më private, shikoni dhe një here opsionet e privatësisë.

12)               Shmangni aktualizimin e gjendjes suaj, e cila mund të tregojë mos prezencën në shtëpi. Kjo vlen për të gjitha rastet qofshin edhe vizitat tek të afërmit apo shëtitje të shkurtra.